ვინიფიკაცია

ყურძენი იკრიფება ხელით, სიმწიფის პიკზე. კლერტის ფრთხილად გაცლასა და დაწურვას მოსდევს კონტროლირებად ტემპერატურაზე (23-28 °C) დუღილი უჟანგავ ფოლადის რეზერვუარებში. ფერმენტაცია მიმდინარეობს კულტურული საფუარით, დელესტაჟისა და რემონტაჟის მეთოდების გამოყენებით. 5-7 დღიანი მაცერაციის შემდეგ მიიღწევა ნარჩენი შაქრის სასურველი დონე, დუღილი ჩერდება გაციებით და შემდგომი ფილტრაციით, რათაც ვინარჩუნებთ ღვინის ყურძნისეულ არომატებს, ბუნებრივ სიტკბოს და სიხალისეს. ამის შემდგომ, ბოთლში ჩამოსხმამდე, ღვინო ინახება იზოთერმულ რეზერვუარებში ცივად -2+2 °C ტემპერატურის დიაპაზონში.

ორგანოლეპტიკა

ფერი: შინდისფერი, მელნისფერი კანტით ჭიქის კიდის გასწვრივ.
სუნი: სხვადასხვა შავი ხილის და სანელების ნაზავი.გამოირჩევა  შავი ალუბლის და შოკოლადის არომატით  ვანილის და ცხარე სუნელების ტონებით
გემო: სავსეა და ზეთოვანი, დასაწყისში პრევალირებს ტკბილი მაყვლი და შავი ალუბლი, ოდნავ ხისტი ტანინებით. ფინიში ხანგრძლიავია ცოცხალი მჟავიანობით და მოტკბო, ხილიანი დაგემოვნებით.